|
Pièces de la série 2E, Archives du Calvados Commune de Bernières-le-Patry (Calvados)
1573 vente de 5 s. de rente A tous ceulx qui ces l(ett)res verront ou orront Mathurin Fermyn garde des sceaulx aulx obligations de la viconte de Mortaing salut. Scavoyr faisons que p(ar) devant Nicollas Radiguel et Jehan de la Rocque tabellions royaulx au siège de Tinchebray fut p(rese)nt Raoul Martin de la p(ar)roisse de Bernieres lequel pour luy et ses hoiers vendit et transporta affin d'heritaige a Jullien Crouen filz Raoul dud(it) lieu p(rese)nt et a ses hoiers c'est a scavoyr cinq soubz tourn(ois) de rente fonciere que led(it) Martin aur(oit) droict de prendre et av(oir) par ch(ac)un an au jour et feste Sainct Matias sur les biens meubles et heritaiges de Jehan Martin frere dud(it) Raoul pour la fieuffe faicte p(ar) led(it) Raoul aud(it) Jehan d'une maison le courtil et terre d'entour a icelle app(ar)ten(ant) assise en lad(ite) p(ar)roisse de Bernieres au villaige et terreur de Carcel en la teneure de la Rochelle pour le S(eigneu)r de Bernieres p(ar) c(on)tract passe devant Jeh(an) Radiguel et Leliepvre tabell(ions) le vingt troys jour de febvrier l'an mil Vc soixante et cinq lequel a este p(rese)ntem(ent) baille p(ar) led(it) Raoul aud(it) Crouen pour jouir de lad(ite) rente a l'advenyr luy et sesd(its) hoiers ainsy qu'eust faict et peu faire led(it) Martin. Ce faict par le prix et somme de sept livres dix soubz to(ur)nois avecq(ue)s cinq soubz t(ournoi)s pour vin francz et quittes en la main dud(it) Martin dont il c'est tenu a content et payer en or et monnoye p(rese)ntem(ent) et p(ar)tant p(ro)mest garantyr lad(ite) rente aud(it) acquereur vers toultes p(er)sonnes de tous empeschem(ent) quelconq(ue)s et quand a toult ce que dessus est ent tenyr pour ... et av(oir) agreable par les termes de de moyens dessus ... dictz led(it) Martin en oblige tous ses biens meubles et heritages et ceulx de ses hoiers p(rese)nts et advenyr a estre prins (?) et vendus p(ar) exe... tesmoing de ce ses p(rese)ntes sont scell(ees) des sceaulx saouf aultres droict et ce fut faict aud(it) Tinchebray le douze jour d'apvril l'an mil Vc soixante et treize. P(rese)nts Jehan Guillouet le jeune filz Anthoine et Thomas f... de Denys Cailley tesmoings. Radiguel
1572 Eschange avec Robert Euldes p(ou)r le Fontenil Vc LXXII Echange entre le seig(neu)r du Mesnillet et le nommé Heudes au Mesnillet A tous ceulx qui ces l(ett)res verront ou orr(ont) Mathurin Fermyn garde des sceaulx aulx obliga(ti)ons de la viconte de Mortaing salut. Scavoyr fais(on)s que par devant Raoul Le Lievre et Louys Radiguel tabellions roiaulx en siege de Tinchebray fut p(rese)nt noble homme Jehan de la Rocque s(ieu)r du Mesnillet lequel po(u)r luy et ses hoirs baille par eschange affin d'heritage a Robert Eudes de la p(a)roisse de Bernieres p(rese)nt et a ses hoirs c'est a scavoir une portion de t(er)re labourable size en lad(ite) p(a)roisse en t(er)reur du Quezeril en la s(ieur)ie du Mesnillet a prendre en une piece de t(er)re nommee le Clos du Boays au bout d'iceluy v(er)s soleil levant joint ung ... aud(it) Rob(er)t d'aultre a Guill(aum)e Eudes d'un bout led(it) Rob(er)t et d'ault(re) l'out(re)plus de lad(ite) pièce p(ar) les mercz et divyses quy ... par ... pour dud(it) bail jouir led(it) Robert et sesd(its) ho(ir)s affin d'herit(a)ge e tous les droictz et lib(er)tes aud(it) bail ap(par)ten(ant) et en contreschange et rescompense de ce led(it) Robert Eudes pour luy et ses h(oi)rs en baille aud(it) s(ieu)r du Mesnillet et aulx sieurs h(oi)rs c'est a scavoir une aultre portion de terre size aud(it) t(er)reur et s(ieur)ie a prendre en Fontenil de hault de tant que aud(it) Rob(er)t en peult competter et appartenir sans reserva(ti)on pour d'icelle contreschange jouir iceluy s(ieu)r et sesd(its) hoirs affin d'heritage avecques les droictz dignittes et libertes a lad(ite) contreschange apparten(ant) et p(ar)tant ... lesd(ites) p(ar)ties esviter ch(ac)un son bail l'un a l'autre de toutes rentes charges et empeschemens q(ue)lsconq(ue)s et quant de tout ce que dessus est dict tenir p(ar)f(ai)t et … agreable par les … dictz led(it) Eudes en oblige tous ses biens meubles et heritages p(rese)nt et advenir et ceulx de ses hoirs a estre prins et vendus par ex(..)on ... tesmoing de ce. Ces p(rese)ntes sont scellees desd(its) sceaulx saouf aul(tre) droict. Ce fut faict le dix sept jour de decembre l'an mil cinq cents soixante et douze. P(rese)ns Marin Queruel et Bastien Eudes tesm(oins). ... Louys Radiguel
Vers 1605 A
tous ceulx qui ces lettres verront ... 1605 Le noeuf jour d'octob(re) mil six cents cinq devant Louys Radiguel et Pierres Le Liepvre tabell(ions) en la chastellenye de Tincheb(ray) fut p(rese)nt Je(a)n Maucorps filz Thomas de la paroisse de Bernieres lequel s'obligea payer dens la gibrey (?) ... a honeste homme Guill(aume) Huard bourgoys de Tincheb(ray) p(rese)nt la somme de dix livres tournois a cause de pur prest et livrement de marchandize dont c(on)tent et p(rese)nts Je(a)n Vallee Vallerye et Je(a)n Desvoys tesm(oins). Jh
Maucorps 1606 Je soubz signe Jehan Maucorps filz Thomas de la paroisse de Bernieres qui qui confesses debvoir et s'obliges payer du jourd'huy en ung an a Jullien Taffley pour luy et ses freres savoir est la somme de trente quatre livres dix soubz tournois ce faict a cause de vente et livrem(ent) de marchandise dont je suis content. Tesmoins non signe sy mins le huict jour de febvrier l'an mil six cents six. P(rese)nts François Le Bret escuyer et Je(a)n Vallee tes(moins). François
Le Bret 1607 Acquest de Jehan Maucorps le Jeune d'une por(tion) de terre no(mm)ee la Courte Verge. Du 23 janvier 1607. Cecy est po(ur) Jean Tafley. A tous ceulx qui ces l(ett)res verront ou orront Me Adrian Fermin escuier garde des sceaux aux obliga(ti)ons de la vicon(te) de Mortaing sallut savoyr faisons que par devant Pierres Radiguel et Thommas Godier tabell(ions) royaux en siege de Tincheb(ray) fut p(rese)nt Jean Maucorps filz Thommas parr(oissien) de Bernieres lequel pour luy et ses hoers recogneut avoyr pr(esen)tement vendu quitte affin d'heritaige a Jullien Taffley pour luy et ses frer(e)s dud(it) lieu p(rese)nt une piece de terre labourable comme elle se contient nommee la Courte Vergee, qui jouxte d'ung coste et d'ung bout J(e)h(an) Guillouet, d'au(tr)e heur et d'au(tr)e bout Thommas Maucorps et Laourent Le Marchant et ses freres, situe au villaige et terreur de Noron, parr(oisse) de Bernieres, tenue de la sieurye de la Rochelle de Lanbosne pour en jouir affin d'heritaige et tous les d(roi)ts et libertes a ce ap(par)tenant tout ainsy que eus faict ou peu faire led(it) vendeur, et est ladicte vente faicte par le prix et somme de soixante six livres t(ournoi)s en prin(cip)al francs et quittes aux mains dud(it) vendeur avecques quarante soubz de vin dont d'une partye de laquelle somme en prin(cip)al et dud(it) vin ledict vendeur c'est tenu content (?) et pre(sen)tement paie en monnoye blanche ayant cours et du reste il demeure quitte envers led(it) acquer(eur) de trente quatre livres dix soubz par obliga(ti)on et s'oblige l'acquitter envers Guillaume Huard de Tincheb(ray) de dix livres et en faire l'acquit ... a temps q(ue) (?) led(it) vendeur n'y aura perte ny dommaige et appres ce faict les obliga(ti)ons demeureront a l'acquer(eur) pour securitte de garantye du p(rese)nt promettant garantir ladicte vente vers toutes personnes de toutes rentes charges doibtes quelconques reserve des rentes p(ou)r aller a pied et a perche et dr(oits) sieuriaux sans au(tr)es rentes et quand a tout ce q(ue) dessus est dict tenir (?) ferme et avoir ... par les termes et moiens predicts ledict vendeur en obligea tous ses biens meubles et heritaiges et ceux de ses hoers en tesmoing de quoy a la rella(ti)on desd(its) tabell(ions) ses l(ett)res sont sellees ... seaux saouf autruy (?) dr(oict). Ce fut f(ait) et passe le vingt troys jour de janvier l'an mil six cents sept. P(rese)nts J(ean) Heudes filz ... Thommas Coury, Cornier Moullin et Robert Le Liepvre tesmoins lesquels et les partyes ont signe au registre demeuré vers ledict Godier tabell(ion). P.
Radiguel Je soubsigne confesse avoir resu le traisieme au denier huict de ce present contract. Faict le vingt quatriesme jour de febvrier mil six cents sept. de la Bigne Le dimenche dix huit jour de frebvrier l'an mil six cents sept le c(on)tenu en ... a este leu vuy (?) publyé et audiencé a l'issue des gents sortyssants de la grand messe pa(roissi)al(e) de Bernieres par moy Jehan de la Rocque tabellion es presences de Maistres Jehan Dumont l'aisney et Charles Queruel pbres curres de Bernieres, Jehan et Jehan dictz Euldes Pilliere, Collas Queruel, Jehan Taffelley Rocquette, Guill(aume) Guillouet Jou(vi)nette, et Jacq(ue)s Taffelley, Françoys Delalande, Pierres Cailley et plus(ieurs) ault(res). Dumont 1608 Le dimanche dix jour de febvrier l'an mil six cents huict a l'hyssue des gens sortissants de la grande messe p(a)royssialle de Bernieres ce p(rese)nt c(on)tract a esté bien et deument leu publie et audience par moy Charles Queruel pbre curey de lad(ite) p(a)roysse en la p(rese)nce de Me Jehan Dumont pbre aultre curey de lad(ite) p(a)r(oisse) M(aistr)es Quentin Maucorps, Jehan Dumont le j(e)une, Françoys Taffley, Jullien Queruel et Jehan Vallee pbres, Jehan Taffley, Tho(m)as Queruel et plusie(urs) aultres. Ch.
Queruel 1608 1608 5 feb 1608 contrat d'acquet Je(an) Maucorps Thommas A tous ceulx qui ces lettres verront Adrien Fermin escuyer garde des seaux en la viconte de Mortaing salut scav(oir) fais(on)s que par devant Jean de la Roque et Robert Blaise tabell(ions) royaux en la chastelenye de Tinchebré le mardy cinq jour de febv(ri)er mil six cents huit a la chaslondre (?) appres midy fut present Jean Maucorps fils Thom(as) de la par(oisse) de Bernieres lequel pour luy et ses hers recong(neut) av(oir) vendu quitté cédé et delaissé affin d'heritage a Jullien Tafeley de lad(ite) par(oisse) p(rese)nt pour luy et a ses frer(es) et a leurs hers c'est a scav(oir) les heritages sy appres declarez et premyerem(ent) demye acre de terre a merc et mesure a prendre en plus grand piece nommee le domaine en leur vers et c(on)tre led(it) acq(ue)re(ur) d'autre le reste de lad(ite) piece (?) d'ung bout Charles Maucorps fre(re) dud(it) vendeur et d'autre bout es Breards (?) une autre pourtion en prey conten(ant) une ver.. a merc et mesure nommé le prey de lestocquier a prendre a travers le bout vers et contre Jean Le...mentyer d'autre le reste dud(it) prey pour led(it) vendeur d'ung bout P(ier)re Maucorps et d'autre led(it) Charles Maucorps. Item la moiettié d'une piece ou p(o)rt(io)n de terre tant en jardin que terre labourable nommee le Clos du Fournil a prendre au bout vers soiellel couchant c(on)tre Jean de Freval laquelle piece ensenblem(ent) joux(te) en son integrité d'ung heur Jean Maucorps l'aisney et d'autre le chemin du moulin et d'autre bout la maison dud(it) vend(eur) le tout ass(is) en lad(ite) parroisse village et terreur de Noron pour en jouyr a l'advenyr lesd(its) acquereurs avecq(ue)s les droits de... ault(re)s droits dignittes franchis(e)s et libertt(es) hay(e)s et fossez a ice(luy) ven(ant) aparten(ir). Et fut lad(ite) vente faite par le prix et somme de sept vingt livres t(ournoi)s en prix p(r)in(cipa)l avec la somme de sept livres ... soubz pour vin le tout franc et quitte es mains et acquit dud(it) vendeur en sollu(ti)on et payem(ent) de laquelle some principalle lesd(its) acq(ue)re(urs) stipullez ... Jullien … est obligé comme de ce j(o)ur fere le racquit et admortisem(ent) acquitz … de dix livres t(ournoi)s de rente ypotecque corps et arrerag(es) envers les herityers du sieur de Tourney (?) de la constitu(ti)on de la mere dud(it) vendeur ainsy qu'il dit et demeure quitte led(it) vendeur envers lesd(its) accq(uereu)rs tant pour luy que pour Charles Maucorps son fre(re) de la somme de vingt sept livres t(ournoi)s c(on)ten(us) en deulx obliga(ti)ons en dabte des quard d'aoust Vc IIIIxx dix sept et traize j(o)ur de mars mil six cents lesquelles demeurent devers lesd(its) accque(reurs) avecq(ue)s les acquitz qu'ilz retireront de lad(ite) rente desus en leur force et vertu des jours et dabte qu'ilz portent pour la securite et garantye du p(rese)nt acquest en cas que led(it) acquereur fusse enpesché en la poss(ession) d'icelle ve(nant) neanmoing par ces moiens quitte sy a temps que le vendeur ny aul(tre) perte ny domage et du reste dud(it) … que mesme dud(it) vin led(it) vendeur fut et soy fins compte bien payé et satifait … Jullien des en precedent ce jour que presentem(ent) appres compte fet et calcul fait entre eux dont cha(c)un d'eulx fut compt(ent) et promesse de ... par led(it) vend(eur) de la pre(sen)te v(en)te vers touttes p(er)sonnes quelconq(ue)s sauf des ren... et ... de la ... de Berni(eres) et la sieurye de la Rochelle de Lanbosne ... les adveux aut.. ... Le dimanche douze jour d'avril l'an mil six cents neuf l'hyssue de la grand messe p(a)rochialle de Bernieres ce p(rese)nt contract a este bien et deument leu publie et audience p(ar) moy Charles Queruel pbre curey de lad(ite) p(a)r(oisse) en la p(rese)nce de Me Jehan Dumont pbre aultre curey dud(it) lieu, M(aistr)es Jehan Dumont le j(e)une, Françoys Taffley, Jehan Vallee et Jullien Queruel pbres, Jehan Taffley Rocquette, Guill(aume) Dumont et plusi(eu)rs aultres tesmoings. Ch.
Queruel 1609 1609 Acquest desd(its) Maucorps 18e mars 1609. A tous ceulx qui ces lettres verront Adrien Fermin escuyer garde des sceaulx en la viconté de Mortaing salut sav(oir) faisons que par devant Jean de la Rocque et Robert Blaise tabell(ions) royaux en la chastel(enie) de Tinchebrey le dix huit jour de mars mil six cents neuf furentz presentz P(ier)re et Jean dictz Maucorps pere et filz parr(oissiens) de Bernye(res) lesquels ung ch(ac)un pour le tout insolidem(ent) sans diviss(es) ny ordre discu(ti)on pour eulx et leurs hers recongn(aissent) av(oir) vendu affin d'heritage a Jullien Tafeley pour luy et a ses fre(re)s et a leurs hers de la d(ite) parroisse sav(oir) est une portion de terre labourable nommee le Domaine conten(ant) demye accre ou viron et en tant que auxd(its) vendeurs en apartiens par leur lot et p(ar)tage en lad(ite) piece qui jouxte d'ung heur Gerbou Lemansel d'autre lesd(its) acquereurs a cause de leur c(on)ques(t)z d'ung bout Thomas Maucorps et d'autre Jean Maucorps fre(re) dud(it) vendeur ass(is) en lad(ite) parroisse terreur de Noron pour en jouyr a l'advenyr led(it) acquereur avec les droitz dignitte a icelle vente ap(ar)ten(ant) promesse de garantye par lesd(its) vendeurs vers tous et contre touttes p(er)sonnes quelconq(ue)s sauf des ren(tes) et debv(oirs) sieuriaux deubz a la sieurye de la Rochelle de Berny(eres) que lesd(its) acquereurs fairont et payront apres et perche sellon les adveux autres. Et fut ladicte vente faite par le prix et somme de quarante quatre livres t(ournoi)s en prix prin(cip)al avec la somme de quarante soubz t(ournoi)s pour vin le tout franc et quitte entre les mains desd(its) vendeurs de laquelle somme ilz ont este asigné par lettre apart presentem(ent) p(ar) eulx leu.. et emporte sur led(it) Jullien Tafeley dont du tout et dud(it) vin lesd(its) vendeurs furent et soy tins compt(ents) devant lesd(its) tabel(lions) dit et accordé a esté entre lesd(its) contratant que lesd(its) vendeurs jouyront icelle vente jusque a du jourd'huy en ung an sans rien payé pour lad(ite) jouiss(ance) que les r(ent)es sieuriall(es) seullem(ent) dont comt(ent)z et quand a tous ce que dess(us) av(oir) et … stable et pour agreable comme dit est lesd(its) vendeurs en oblig(ent)... ... leurs biens meubles et heritag(es) et ceux de leurs hers pour ce estre prins et vendus d'office en tesm(oignage) de quoy ses p(rese)ntes sont ... sauf autres droit. Ce fut fait et passé l'an et jour des(s)us. P(rese)nts J(ean) Heudes pbre et Jean Maucorps t(emoin)s lesquels avec lesd(ites) party(es) ont signé le registre de la p(rese)nte demeuré a led(it) Blayse. Blaise 1617 Le tiers lhot du douaire de la femme de Jean Maucorps C'est le tiers lhot de troys lotz en douaire que faict Jenne Euldes femme de Jean Maucorps filz de deff(un)t Thomas de la parr(oisse) de Bernieres des heritaiges terres et mesnaiges dont lad(ite) Jenne avoyt trouve led(it) Jean Maucorps son mary saisy lors de leurs espouzailles qui est entend du lot et p(ar)taige dud(it) Jean Maucorps qui luy ap(ar)tenoyt au villaige et terreur de Noron en lad(ite) parr(oisse) a cause de la succession dud(it) Thomas Maucorps pere dud(it) Jean quy sont c(on)tenus aud(it) lot d'entre luy et Charles Maucorps son fre(re) quy est le premier desd(its) lhotz la plus grand p(ar)tye desd(its) heritaiges led(it) Jean Maucorps auroyt p(ar) cy devant vendus a Michel Jullyen et Jean dictz Taffelley freres et une vergee de prey vendue a Jean Le Fourmentyer s(er)g(en)t et desquels lesd(its) Taffelley en auroyent faicts lots et p(ar)taiges entre eulx dont les terres du lot dud(it) Jullyen seroyt a p(rese)ntz faict decrepter po(u)r la doibte de Jean Taffelley a la requeste de M(aistr)e Clement Duchemyn sieur de la Magdelayne ou lad(ite) Jenne Eulde feme dud(it) Maucorps ... pour luy en estre delivre son tiers et droict de douaire pour elle et ses emffans quy luy en ap(ar)tient sur lesd(its) heritaiges suyvant la coustume ce qu'il luy avoyt este accorde et ordonne qu'elle en apportera ses pre(sen)tz lotz ... declaratifs et pour en demeurer ung en p(ro)priette a lad(ite) Jenne et a ses d(its) enffans suyvant la coustume refforme a laquelle fut lad(ite) fem(m)e avoyt este authorissee en justice par senten(ce) donnee a(u)x ple(d)z dud(it) Tinchebrey en p(ro)cedant au passem(ent) dud(it) decrept en dabte du six jour de mars derrain (?) passé y recours lesquels lotz lad(ite) Jenne a faictz suyvant lad(ite) sent(ence) ainsy q(u'i)l ensuyt, et premierem(ent) quy aura ced(it) tiers aura une portion de la maison manable qui est la salle du boult de la maison dud(it) Jean devers solleil levant ou lad(ite) Jene sesd(its) enffa(n)ts et sond(it) mary ont tousjours faict et font encorre de pre(sen)t leur demeure et residence aud(it) villaige de Noron en lad(ite) parr(oisse) c(om)prins une portion de leltrerye (?) ou despence estant en leur de bas de lad(ite) salle aveques la court de devant vers mydy et la terre jardin et plant de derrie(re) vers viel ciel au droict lad(ite) fille et au boult de lad(ite) salle et portion de maison et joingnand au premier lot party a travers par les devisses qui y sont. Item le courtil et clos a chennevyere de devant lad(ite) maison tout en ung autre.. et co(mm)e ils ce c(on)tiennent qui joinct d'u(n)g heur et d'u(n)g boult a M(aîtr)e Jullyen Boyvin S(ieu)r de Noron et aud(it) Jean Taffelley d'aultre heur au chemyn et rue tendant a l'eglise de Bernieres et au moullin de Noron passant devant lad(ite) maison et d'aultre boult à Guillemyne Delalande ve(u)fve de Pierres Maucorps. Item une portion du gra(n)d prey dud(it) Jean quy est au boult de devers solleil levant non vend (?) quy est le reste de prey du lot dud(it) Jean Maucorps vendu auxd(its) Taffelley quy butte aud(it) second des pre(sen)tz lotz quy est entre le champt de la Fosse et les petits preys ap(par)ten(ant) à Jean Lemarchant filz Robert et jusq(ue)s au second de ses pre(se)ntes lotz et a l'equipollent de la breche et chemyn quy est entre les deulx champs de la fosse p(ar) ou on a coustume de exploictter les pres lequel chemyn demeure d'avecq(ue)s lad(ite) portion de ce p(rese)nt lot et les mercs et devisses quy y ont este minses pour f(air)e separ(ati)on entre ... p... le second lot. Item une aultre piece de terre nommee la Courte verge co(mm)e elle ce c(on)tient quy joinct d'u(n)g heur et d'u(n)g boult aux hoirs de Jean Guillouet de Noron d'aultre heur au chemyn de Castellyer (?) et seul (?) demeure aulcune chose a p(ar)tyr il sera p(ar)ty quand il viendra a c(o)gnoiss(ance) p(ar) tierce p(ar)tye et sera ce p(rese)nt lot tenu et subject de payer la somme de vingt livres t(ournoi)s envers l'enffant soubz de d(e)ff(un)t Gilles Houel p(ar) ce qu'il demeure quitte et descharge de sa p(ar)t et portion du reste encorre deu de la p(ro)messe de mariage quy avoyt este prinse p(ar) led(it) Jean et Charles son fre(re) aud(it) deff(un)t Gilles Houel et a sa femme seur desd(its) Maucorps par ce que ced(it) tiers lot demeure quitte et exend de touttes aultres rentes et doibtes de sond(it) mary excepte [sy se trouvoyt quelques doibtes de pre(ce)dent le mariage de lad(ite) Jenne qu'ele y entendra en sa tierce partye] des rentes sieurialles et demeurent les premier et second lotz subjaictz de payer et acquitter toultes les aultres doibtes et charges quelconq(ue)s quy pouront estre demandees sur ces p(rese)nts lotz et demeurent les eaulx voyes chemy(n)s doibz hannes (?) et fontaynnes comme d'antiennete ... et pairont les rentes sieurialles chacun de ce qu'il tiendra. Ces
pre(se)ntz lotz s... a la requeste de lad(ite) Jenne Eulde
p(ar) nous Jean de la Rocque et Robert Deslandes
tabel(lions) a Tinchebrey au jourd'huy qui(n)ze jour d'apvril l'an
mil six cents dix sept p(rese)n(t)s Guill(aume) Euldes filz
Jean et Jean de Freval tesmoings. Ap(rou)ve descharge sy se
trouvoyt quelques doibtes du pre(ce)dent le mariage de lad(ite) Jenne
quel y entendra en sa tierce partye en gloze. de
la Rocque |